אַ קורצע געשיכטע פֿון אַנטװיקלונג פֿון דער ייִדישער שפּראַך
פֿון רחל ליסקאָטין מיט הילף פֿון חנה מאַלער
(דריקט דאָס בילד)
ב. אַלט ייִדיש
די נײַע אימיגראַנטן האָבן אָנגעהױבן רעדן ייִדיש באַשאָטן מיט װערטער און אױסדרוקן פֿון לאַאַז. פֿון דעם האָט זיך געשאַפֿן אַ װערסיע פֿון אַ ייִדישן־דײַטש פֿונעם מיטלעלטער, װעלכער האָט פֿאַרמאָגט עלעמענטן פֿון לאַאַז, ביבלישן און משניות העברעיש און אַראַמעיש, און דאָס איז געװאָרן די הױפּט שפּראַך פֿון די מערבֿ אײַראָפּעישע ייִדן. די איזאָלאַציע פֿון די ייִדישע קהילות נאָך די פֿאַרפֿאָלגונגען פֿון די קרײַצלינגען האָט צוגעפֿירט צו א דערװײַטערונג אַװעק פֿון דײַטש צו אַ מער ייִדישער װערסיע פֿון דער שפּראַך.י
אין דעם 13 -טן יאָרהונדערט, האָבן אַ סך ייִדן אָנגעהױבן אַנטלױפֿן פֿון די פֿאַרפֿאָלגונגען פֿון די קרײַצלינגען אױף מיזרח, און אַזױ אַרומעט איז ייִדיש אָנגעקומען קײן מיזרח דײַטשלאַנד, פּױלן און אַנדערע מיזרח אײַראָפּעישע טעריטאָריעס צום ערשטן מאָל.י
די סלאַװישע שפּראַכן אױף װעלכע די ייִדן האָבן זיך דאָרטן אָנגעטראָפֿן האָבן װידער געענדערט ייִדיש פֿון אַ דײַטשישן דיאַלעקט צו אַן אײַגנאַרטיקער ייִדישער שפּראַך, אַנדערש פֿון דעם ייִדיש װאָס איז גענוצט געװאָרן פֿון די ייִדן אין דײַטשלאַנד און פֿראַנקרײַך.י
המשך אין דעם קומענדיקן נומערי
מײַקל מאָר אױף דער דעמאָקראַטישער נאַציאָנאַלער קאָנװענץ
(דריקט דאָס בילד)
װען ביל און הילאַרי קלינטאָן זענען אַרױף אױף דער בינע אױף דער דעמאָקראַטישער נאַציאָנאַלער קאָנװענץ, האָט אַ גרױסער עולם פֿון פֿאָטאָגראַפֿיסטן און זשורנאַליסטן אַרײַנגעדרינגען אין דעם פֿליט צענטער. י
אין מיטן פֿון זײ איז געװען אַ נישט אײַנגעלאַדענער גאַסט מײַקל מאָר, װעלכער האָט נישט באַקומען אַן אײַנלאַדונג פֿון דער דעמאָקראַטישער פּאַרטײַ טראָץ זײַן פֿילם "פֿאַרענהײט\9\11"י װאָס האָט שטאַרק קריטיקירט פּרעזידענט בוש.י
עס איז געװען געזאָגט אַז דאָס איז געשען װײַל מאָר איז זײער ספּאָנטאַניש און די קאָנװענץ איז געװען זײער אױספּלאַנירט װי אַ שעקספּירישע שפּיל. שפּעטער האָט מאָר געזאָגט אַז ער האָט נישט געשטיצט קײנעם פֿון די קאַנדידאַטן.י
(דריקט דאָס בילד)