אַ משולח איז אײַנער װאָס זאַמלט געלט פֿאַר צדקה צװעקן װי פֿאַר ישיבֿות צום בײַשפּיל און אָפֿט מאָל קומט זײַן שליחות אָן זײער שװער און קאָמיש. דריקט אױף דעם שפּיל קנעפּל און איר װעט הערן אַ קאָמישן טעלעפֿאָן געשפּרעך צװישן אַ משולח און אַ דאָקטאָרס אױפֿנעמערין...י...י
(דריקט > שפּיל)
***
אַ משולח װײַסט
אַ משולח קלאַפּט אָן אין טיר פֿון אַ זײער רײַכן מאַן און װען דער מאַן עפֿנט די טיר באַגריסט אים דער משולח,י"שלום עליכם, מיסטער גאָלדבערג, איך זאַמל געלט פֿאַר דער היגער ישיבה, און איך בין זיכער אַז אַ רײַכער ייִד װי איר װיל געבן אַ קלײנע נדבה."י
ענטפֿערט דער מאַן, "איך הײס גאָלד, נישט גאָלדבערג און איך בין נישט קײן ייִד."י "דו ביסט זיכער?", פֿרעגט דער משולח. "יאָ, איך בין זיכער", ענטפֿערט דער מאַן אומגעדולדיק. "אָבער עס שרײַבט דאָ אין מײַן פּינקס אַז דו ביסט אַ ייִד", זאָגט דער משולח.י
ענטפֿערט אים דער מאַן שױן אױפֿגערעגט "איך פֿאַרזיכער דיר אַז איך בין נישט קײן ייִד, מײַן טאַטע איז נישט געװען קײן ייִד און מײַן זײדע עליו-השלום איז אױך נישט געװען קײן ייִד!"י
(דריקט דאָס בילד)