בריװ אין רעדאַקציע

װאָס מאַכט איר?י 

מײַן נאָמען איז טובֿיע באָטװיניק. איך בין כּמעט 9 יאָר אַלט. איך קום פֿון האַװערטאָן פּענסילװאַניִאַ אין די פֿאַרײַניקטע שטאַטן. איך גײ אין פּערעלמאַן ייִדישער טאָג שול. מיר לערנען זיך נישט קײן ייִדיש דאָרט אָבער מיר לערנען זיך ענגליש און העברעיִש.י

איך האָב געענדיקט לײענען דעם דעצעמבער 2003 נומער פֿון "די יונגע גװאַרדיִע". איך מײן אַז דאָס איז געװען אַ װיץ װען איר האָט געזאָגט אין "די יונגע גװאַרדיִע" אַז "קריסטן קריגן אומפּראַקטישע זאַכן װי צעלקעס און דיגעטאַלישע אַפּאַראַטן אָבער מיר ייִדן קריגן פּראַקטישע זאַכן װי נײַע זעקעלעך און נײַע גאַטקעס." אָבער אײַגנטלעך טראַדיציִאָנעל קריגן קריסטן זעקעלעך און מיר ייִדן קריגן פּראַקטישע זאַכן װי דיגיטאַלישע אַפּאַראַטן און צעלקעס.י

איך װעל באַלד אָנהײַבן דעם יאַנואַר 2004 נומער פֿון די יונגע גװאַרדיִע.י 

פֿון, טובֿיע אליִעזר באָטװיניק

דאָס איז אַ בילד פֿון װען איך בין געװען 2 יאָר אַלט

שולם עליכם דיר טובֿיה באָטװיניק, 

יאָ דאָס איז געװען אַ װיץ װעגן די קריסטן. דו ביסט גערעכט אַז טראַדיציאָנעל באַקומען זײ זעקעלעך און הענגען זײ אױף בײַם אױװן. אָבער ייִדן קריגן אױך נישט טראַדיציאָנעל קײן צעלקעס און דיגיטאַלישע אַפּאַראַטן נאָר חנוכּה געלט און אפֿשר זיסװאַרג. מיר זענען זײער צופֿרידן װאָס דו לײענסט "די יונגע גװאַרדיִע".י 

זײַ געזונט און אַ דאַנק פֿאַר דײַן בריװ, שרײַב אונדז אָפֿטער.י 

די רעדאַקציע