מײן נישט
(דריקט דאָס בילד)
פֿון י ל פּרץ
מײן נישט, די װעלט איז אַ קרעטשמע-באַשאַפֿן
מאַכן אַ װעג מיט פֿױסטן און נעגל
צום שענקפֿאַס, און פֿרעסן און זױפֿן, װען אַנדערע
קוקן פֿון װײַטן מיט גלעזערנע אױגן
פֿאַרחלשט, און שלינגען דאָס שפּײַעכץ און ציִען
צוזאַמען דעם מאָגן,װאָס װאַרפֿט זיך אין קראַמפּן!י
אָ מײן נישט, די װעלט איז אַ קרעטשמע!י
(דריקט דאָס בילד)
מײן נישט, די װעלט איז הפֿקר-באַשאַפֿן
פֿאַר װעלף און פֿאַר פֿוקסן, פֿאַר רױב און פֿאַר שװינדל;י
דער הימל-אַ פֿאָרהאַנג, אַז גאָט זאָל נישט זען!י
דער נעפּל-מען זאָל אױף די הענט דיר נישט קוקן!י
דער װינט-צו פֿאַרשטיקן די װילדע געשרײען;י
די ערד איז צו זאַפּן דאָס בלוט פֿון קרבנוס-י
אָ, מײן נישט, די װעלט איז אַ הפֿקר!י
(דריקט דאָס בילד)
די װעלט איז קײן קרעטשמע, קײן בערזע, קײן הפֿקר!י
געמאָסטן װערט אַלעס, געװױגן װערט אַלעס!י
קײן טרער און קײן בלוטיקער טראפּן פֿאַרגײען,י
אומזיסט װערט קײן פֿונק און קײן אױג נישט פֿאַרלאָשן!י
פֿון טרערן װערן טײַכן, װערן ימים,י
פֿון ימים-אַ מבול, פֿון פֿונקען-אַ דונער-י
אָ, מײן נישט, לית דין אולית דײן!י
(דריקט דאָס בילד)