סקיפ װינטער לאַגער
פון קאַרמען דאַפֿנער
(דריקט דאָס בילד)
מיר די סקיפֿיסטן פֿון מעלבורן זײַנען געפֿאָרן אױפֿן סקיפ װינטער לאַגער קײן "מעריקס" נעבן ים. דער לאַגער איז פֿאָרגעקומען אין דער װאָך פֿון 28 -טן יוני ביזן 4 -טן יולי. אױפֿן לאַגער זענען געװען 50 סקיפֿיסטן און זעקס העלפֿער־אָנפֿירער. מיר האָבן געהאַט אַ סך אַקטיװיטעטן, פֿאַרשידענע ספּאָרטס שפּילן װי צום בײַשפּיל "צװײ פֿײַערן" און די װאָס מען האָט געשפּילט אין די "מאָרגנשטערן" קלובן פאַר דער קריג. מיר האָבן אױך געלערנט די געשיכטע פֿון די קלובן אין פּױלן. אײַן טאָג אױפֿן לאַגער איז אױך געװען געװידמעט די טעמע פֿון "לאַטײַן אַמעריקע" און מיר האָבן געלערנט װעגן די לענדער אין דער טײַל פֿון דער װעלט. מיר זענען אױך געגאַנגען שפּאַצירן בײַם ים-ברעג און געשפּילט זיך אױפֿן זאַמד אין "פֿריזבי" און אַנדערע שפּילן. עס זענען אױך געװען אָרגאַניזירט קלובן װוּ מען האָט אױספּראָבירט נײַע זאַכן װי האַנט אַרבעטן. געװעזענע העלפֿער האָבן צוגעגרײַט די מאָלצײַטן, און אַנדערע האָבן געהאַלטן סעמינאַרן פֿאַר די סעמינאַריסטן װעלכע גרײַטן זיך צו װערן העלפֿער אין דער צוקונפֿט. בײַם עסן האָבן מיר געזונגען אַ סך לידער פון אַמאָל, װי אױך פּאָפּולערע לידער פֿון הײַנט צו טאָג. אַ סופּריז אױפֿן לאַגער זענען געװען די באַזוכן פֿון געװעזע גאַסט העלפֿער פֿון אַמאָל. נאָך זיבן טעג אױפֿן סקיפ װינטער לאַגער זענען מיר צוריקגעקומען קײן מעלבורן מיד אָבער אױך זײער צופֿרידן.י
(דריקט דאָס בילד)
! ברוך-הבא ! שלום עליכם
(דריקט דאָס בילד)
זײַט באַגריסט צו דער ערשטער ייִדישער צײַטונג פֿאַר יוגנט אױף דער אינטערנעץ. מיר זײַנען ייִדישע סטודענטן פֿון דוד המלך שול אין מעלבורן אױסטראַליע. מיר לערנען ייִדיש אין דעם צענטן יאָר פֿון שול און די צײַטונג איז פֿאַר אַלע סטודענטן פֿון מאַמע-לשון, נישט געקוקט װי אַלט איר זאָלט נאָר נישט זײַן.י
מיר האָפֿן אַז די איניציאַטיװ װעט אײַך געפֿעלן און אַז איר װעט אונדז קאָנטאַקטירן און בײַשטײַערן זיך מיט אַרטיקלען און נײַעס פֿון אײַער ייִשובֿ, װוּ עס זאָל נאָר נישט זײַן !י
שיקט אונדז אַ בריװ
רײזעלע זילבערמאַן
פֿאַר די מײנונגען אױסגעדריקט אין "די יונגע גװאַרדיע" זײַנען פֿאַראַנטפֿאָרטלעך די שרײַבער אַלײן(דריקט דאָס בילד)