װײַסט איר פֿאַר װאָס מען רופֿט 

האָמענטאַשן "האָמענטאַשן"?י

אױב יאָ שיקט אונדז אײַער ענטפֿער. דערװײַל אָט איז אַ געשמאַקע רעצעפּט פֿאַר באַקן האָמענטאַשן פֿון רחל ליסקאָטין

די אינגרינדיענטן פֿאַר 4 טוץ (48) האָמענטאַשן:

1 טעפּל צוקער 

1/3 טעפּל בױמל 

1/2 טעפּל מאַרגאַרין 

3 אײער 

4 טעפּלעך מעל 

1/2 טעפּל אָראַנזשן זאַפֿט 

3 לעפֿעלעך בעקערס פּודער 

1 לעפֿעלע זאַלץ 

1 אײ גוט צעקלאַפּט 

1 קילאָ מאָן פֿילעכץ אָדער פּאָװידלע 

צוגרײַטונג: 

מיש גוט אױס די אײער און זאַפֿט. מיש אַרײַן די טריקענע אינגרינדיענטן און קנײַט און קײַקל עס אין אַ גרױס באַלעם. צעטײַל דעם באַלעם אױף פֿיר שטיק. מאַך אַ דין פֿלאַך פּלעצל פֿון יעדן שטיק. באַשיט די פּלעצלעך לײַכט מיט מעל. מיטן ראַנד פֿון אַ טעפּל שנײַד אױס רונדיקע פּלעצעלעך. לײַג אַרײַן אַ 1/2 לעפֿעלע מאָן אָדער פּאָװידלע אין מיטן פֿון יעדן רונדיקן פּלעצל 

צו מאַכן אַ דרײ זײַטיקן קיכל, בײַג אײַן די לינקע און רעכטע זײַט פֿון פּלעצל און קל ע פ זײַ צוזאַמען. הײב אױף דאָס דריטע זײַט און קלעפּ עס אױך צו צו די אַנדערע צװײַ, איבער דעם מאָן אָדער פּאָװידלע, און מאַך אַ באַרגל. באַהײַץ דעם אױװן ביז 180 גראַד צעלסיוס/350 פֿערענהײט. שמיר אױס די קיכעלעך מיט דעם אײער מישעכץ אײדער מען באַקט. לײג די קיכעלעך אױף אַ באַק טאַץ באַשמיר מיט מאַרגאַרין אָדער בױמל. באַק אַרום 20 מינוט

דריקט אױף די בילדער און קאָלירט זײ מיט שײַנע פֿאַרבן

געפֿינט די װערטער אין דעם קעסטל-רעטעניש:י

פּורים, מגילה, אסתּר, מרדכי, אחושפֿרוש, המן, טאַשן, תּליות, ניגון, מלך, גראַגער