אַברהם סוצקעװער איז געװאָרן 90 יאָר יונג

אַברהם סוצקעװער איז אַנערקענט װי דער גרעסטער ייִדישער פּאָעט הײַנטצוטאָג, און אײַנע פֿון די גרעסטע ייִדישע פּאָעטן פֿון אַלע צײַטן. אין יוני איז ער געװאָרן 90 יאָר יונג. מיר די יונגע ייִדישע שילער פֿון "די יונגע גװאַרדיִע" װינטשן אים ביז 120 און דאַנקען אים פֿאַר זײַן אומפֿאַרגעסלעכע שאַפֿונגען און פֿאַר באַרײַכערן די ייִדישע דיכטונג און שפּראַך. מיר האָבן געלערנט װעגן סוצקעװערס אינטערעסאַנטע לעבנס געשיכטע און װעגן זײַנע שאַפֿונגען, און מיר האָבן שטודירט צװײַ פֿון זײַנע באַקאַנטסטע לידער פֿון דער חורבן תכּופֿה, "אונטער דײַנע װײַסע שטערן" און "די בלײַענע פּלאַטן פֿון ראָמס דרוקערײַ", און מיר דרוקן דאָ איבער דאָס ליד:-י 

ידי בלײַענע פּלאַטן פֿון ראָמס דרוקערײַ 

פֿון אבֿרהם סוצקעװער 

מיר האָבן װי פֿינגער געשטרעקטע דורך גראַטן 

צו פֿאַנגען די ליכטיקע לופֿט פֿון דער פֿרײַ-י

דורך נאַכט זיך געצױגן, צו נעמען די פּלאַטן,י 

די בלײַענע פּלאַטן פֿון ראָמס דרוקערײַ.י  

מיר, טרױמער, באַדאַרפֿן איצט װערן סאָלדאַטן 

 און שמעלצן אױף קױלן דעם גײַסט פֿונעם בלײַ.י 

און מיר האָבן װידער געעפֿנט דעם שטעמפּל 

צו עפּעס אַ הײמישער אײביקער הײל.י  

מיט שאָטנס באַפּאַנצערט, בײַ שײַן פֿון אַ לעמפּל 

געגאָסן די אותיות אַ צײל נאָך אַ צײל,י  

אַזױ װי די זײדעס אַ מאָל אינעם טעמפּל 

אין גילדענע יום-טובֿ-מנורות-דעם אײל.י  

דאָס בלײַ האָט געלױכטן בײַם אױסגיסן קױלן,י  מחשבֿות-צעגאַנגען אַן אות נאָך אַן אות.י  

אַ שורה פֿון בבֿל, אַ שורה פֿון פּױלן, 

געזאָטן, געפֿלײצט אין דער זעלביקער מאָס.י  

די ייִדישע גבֿורה, אין װערטער פֿאַרהױלן,י  

מוז אױפֿרײַסן איצטער די װעלט מיט אַ שאָס !י 

און װער ס'האָט אין געטאָ געזען דאָס כּלי-זײן  פּאַרקלאַמערט אין העלדישע ייִדישע הענט-י 

 געזען האָט ער ראַנגלען זיך ירושלים,י  

דאָס פֿאַלן פֿון יענע גראַניטענע װענט;י  

 פֿאַרנומען די װערטער, פֿאַרשמאָלצן אין בלײַעןי און זײערע שטימען אין האַרצן דערקענט.י